Amari luma – Náš svet

Bičhavibnaskero vaš AMARI LUMA – 1. Romaňi multimedialno enciklopedia hino te pašesaľarel Romengeri luma prekal ajse achaľutne lava, aktivitengero sikhaviben, prekal subjekti (inštituciji, organizaciji), manušen, so hine sar bigondoľipnaskero jekhetaňariben vaš romano kulturno diňipen the akanutno kulturno, societakero the politikakero dživipen na ča pre Slovakija, vaj the andre averthem.

Projektoskere avrithoďipena 

Ando akanutňipen hine informaciji pedal Romende ča jepašune, bikompletna, bidikhibnaskere, čhide pro internetos the na furt den lačho the achaľardo andrethoďipen. Informaciji chibaľinen le medijenge, aktivistenge, komunitno buťarenge the le školenge. Le Romen nane peskri enciklopedia, la irimen romaňi literatura nane buter sar 50 berš, pal bare manuša vaš romano čirlatuňipen the kultura pes amen dodžanas ča avka jepašunes the čhingerdones. Ada savoro ča zorasaľol le medijenge, kana stereotipnones zadikhelkeren pro romano nacijakero cikňiben.

Projektoskro cieľos 

Te skerel dinamicko the sistemovo informacijakeri chaňig andal romaňi kulturakeri sera, so bi sas pašes prekal internetos so hino thodo sar jekh andal jekhzoraleder forma informacijengero rozľidžaňipen ando vajsavo vachtos the than. Prekal projektoha kamas te prithovel ko feder informacijakero servisis pedal odborno the manušikano ňipi the pedal romaňi literatura the literatura pal Romende, čirlatuňipen the romengeri kultura
Romaňi internetovo enciklopedia ela aver atapa, kana pes pherďarena internetova seri andal Romano dokumentačno the informačno centros. Kana pherďaha o alavari, vičinaha le odborňiken andal avkathode seri. La enciklopediaha prithovaha oleske, kaj sforminaha bazutno fondos andal romano kulturakero diňipen andre irišaguňi forma, ko feder informovanosťa la odborno the manušikaňi ňipi pedal Romende, ke eliminacija anglovakeribena the mitusi pedal Romende the jekhetanes le Romenca zachudas te skerekerel bazutna enciklopedicka džanľipena dodžaha na ča ko aver lengere sikhaviben. Užaras, hoj Amari luma – 1. romaňi multimedialno internetovo enciklopedia pes ačhela bigondoľipnaskero šegitikakero the pedal romane kulturakere the osvetakere buťakeren the komunitna buťakeren
Internetovo čhavorikano genďikano fondos PARAMISA ela vast vasteha jekhetanes le Romano dokumentačno the informačno centroha. Anela informaciji pedal genďikane tituli pedal čhavore andal romane autori vaj romano pašaľiben. Avrikidne publikaciji sthovaha pro dikhiben andro kompletno avrithoďipen andro elektronicko forma. Kana sthovaha pro dikhiben čhavorikane genďikane tituli, keraha lokeder buťi pedal pedagoga, save pes andro akanutňipen interesinen pal literatura pedal čhave the kamen prekal paramisa te prindžarkerel romane the gadžikane čhaven le romaňa čirlatuňibnaha, tradicijenca the kulturaha.

Genďikano – vitvarno prekidkeriben Coloriskeri luma hino thodo pre oda, aj te scirdel merkišagos vaš čhavorikano genďipen pedal romaňi literatura pedal čhave the pre motivacija ke genďipen prekal vitvarno prekidkeriben. Andro akanutňipen nane jekhetano cikňiben, kaj bi sas dopaťande informaciji vaš čirlatuňipen, akanutňipen, kultura pal Romende pre Slovakija, save bi sas, kana bi kampelas vajsaveske genďikaneske – andro slovakijakeri vaj romaňi čhib.

1. Projektoskeri faza
• Romaňi enciklopedija: keriben vaš internetovo sera, redakcija, resľipnaskeri forma, informacijengero sthoviben the ňipengero dikhiben, dikhiben le elšune hesli 
• Paramisa – resaha jekhbuter informaciji pal romaňi literatura pedal čhave the literatura pedal čhave andal gadžikano pašaľiben, resaha autorska čačipena the sthovkeraha oda andre digitalizovaňi forma 
• Coloriskeri luma – sthovkeras mechanizmus, kana pes dojekh vachtos zachudela genďikano – vitvarno prekidkeriben vaš caloslovakijakero sera avka, aj te motivinen le čhaven te genel genďi andal čhavorikano genďikano fondos paramisa.sk the džanenas bi peskero genďikano džanľipen le achaľibneha te prethovel andro romane genďikane ilustraciji, save hine postupnones zadikhle le ňipenge pašal anotaciji. 

Projektoskere aktiviti

• skerkeraha www. Sera Amari Luma – 1. Romaňi multimedialno enciklopedia
• dikhiben the ňipengero dikhiben le elšune hesli 
• pro www.paramisa.sk jekhetaňariben le informacijen pal genďi pedal čhave, save hine arakhle the sthode andro genďikane khera andre Slovakija 
• registracija vaš prekidkeriben Farebný svet pro Ministerstvos vaš edukacija, veda the rodkeriben SR, sthovkeras mechanizmus, vaš caloslovakijakero sera, zachudaha aktiviti pašal jekhpašado beršoro

Autoris the koordinatoris vaš projektos: Themutno zgeľipen Romano kher, so imar pandžto berš jekhetaňarel manušen, so kamen te kerel the te ľikerel projekti the aktiviti so hine sthode anglunes vaš sikhľariben pedal čhave the bare manuša so bararde andal zamukhlo socialno pašaľipen

Projektorskero ľikeriben
Grantos andal Slovakijakero govermentos vaš programos Ľikeriben vaš nacijakere kulturakere cikňibena 706/2011.